Bihar Euskararen Eguna denez, LH3ko ikasleek euskal mitologiari buruzko hitzaldi bat prestatu dute beste gelako ikasleen aurrean aurkezteko. Euskal Mitologiako pertsonaiarik garrantzitsuenen berezitasunak azaldu ondoren, jolas dibertigarri bat prestatu dute. Sekulako lana egin duzue!

Euskararen eguna ospatzeko Yogurinha Borova izango dugu gure eskolan. Gurasoak ere gonbidatuta zaudete.

Mendizaletasuna sustatzeko asmoz, LHko ikasle eta irakasleok irteera egin dugu Gordexolatik. HHkoak ere plazako parkean egon gara jolasten. Oso ondo pasatu dugu!

Ertzaintza gure eskolara gerturatu da 3. zikloko ikasleei hitzaldia ematera. Internet era desegokian erabiltzeak ekar ditzakeen arazoak aipatu dituzte. Ikasleak oso adi egon dira eta galdera asko egin dituzte haien zalantzak argitzeko.

Ikasturte honetan ere morez margotu ditugu eskolako txoko guztiak. Horretaz gain, morez margotu ditugu gure aurpegiak eta atzazkalak. Musika entzuten zuten bitartean, mezuak idatzi dituzte eskolako eskailerak apaintzeko. Patio ostean, 3º,4º, 5º eta 6º mailako ikasleek bertsolaritzan prestaturiko bertso batzuk bota dituzte. Arratsaldean, gurasoak eta aiton-amonak eskolara etorri dira ikasleen bertsoak entzuteko eta denok elkarrekin argazki bat ateratzeko. Egun zoragarria pasatu dugu!

Ikasle eta irakasleok Gau Beltza ospatu dugu eskolan. Argiak itzali eta, apaindutako kalabazen barruko kandelak piztu ondoren, Gau Beltzaren arima sentitu dugu denok hainbat abesti eta jolasen bidez.

LH osoko ikasle eta irakasleok Getxoko Ingurumen Aretoan egon gara. Bertan hainbat tailerretan aritu gara. Herbario polita sortu dugu inguruko zuhaitzen hostoak marraztuz eta haien izenak latinez eta guzti ikasi ditugu. Zenbait izaki bizidunen bizitzaren zikloa aztertu dugu eta dortoken putzura ere gerturatu gara jaten emateko.

Getxoko Ingurumen Aretoaren helburuak Ingurumen sentsibilizazioa eta inguruaren garapen iraunkorrak dira. Kokapena ezin hobea da horretarako. Larrañazubi-ko zabortegi zaharraren eta Getxoko Hondakinen Transferentzi gunearen ondoan kokatzen da. Honek hondakinen eta kontsumo arduratsuaren gaiak bertatik bertara lantzeko aukera paregabea eman digu. Primeran pasatu dugu!

Aurten ere, Artearen Ibilbidea programan parte hartu dugu Gordexolako plazan. Oraingoan, eta artista famatu askoren margolanen bidez, haurtzaroaren mundua landu egin da, askotan itzultzeko jomuga izatea nahi duguna. Arteak gogoratu digu haurtzaroa ez dela soilik iraganeko puntu bat, gure identitatearen zati intrintseko bat ere badela. Ikasleak harrituta gelditu dira ikusitako artelanekin eta hauek aztertzeko abagune paregabea izan dute.